1મેથી બદલાઈ જશે આ નિયમો, જાણો તમારા ખિસ્સા પર થશે કેવી અસર

 

• CNG-PNGની કિંમતોમાં પણ ફેરફાર થઈ શકે છે
• PNB ATM ટ્રાન્ઝેક્શનમાં આવી શકે છે ફેરફાર
• મ્યુચ્યુઅલ ફંડમાં KYC ફરજિયાત રહેશે

એપ્રિલ મહિનો પૂરો થવામાં માત્ર બે દિવસ બાકી છે. આ પછી મે મહિનો શરૂ થશે. દર મહિનાની શરૂઆતથી કેટલાક નિયમો બદલાય છે. આ ફેરફારો તમારા ખિસ્સા પર સીધી અસર કરે છે.

આવી સ્થિતિમાં તમારા માટે આ નિયમોને જાણવું જરૂરી છે, નહીં તો તમારે મુશ્કેલીનો સામનો કરવો પડી શકે છે. તો જાણો કઈ બાબતોમાં નિયમો બદલાઈ શકે છે.

GST નિયમોમાં ફેરફાર

મે મહિનાની શરૂઆતથી વેપારીઓ માટે GSTમાં મોટો ફેરફાર થવા જઈ રહ્યો છે. નવા નિયમ મુજબ હવે રૂ. 100 કરોડથી વધુનું ટર્નઓવર ધરાવતી કંપનીઓ માટે 7 દિવસની અંદર ઇન્વોઇસ રજિસ્ટ્રેશન પોર્ટલ (IRP) પર ટ્રાન્ઝેક્શનની રસીદ અપલોડ કરવી ફરજિયાત છે. હાલમાં ઇન્વૉઇસ બનાવવા અને અપલોડ કરવાની તારીખ માટે આવી કોઈ મર્યાદા નથી.

મ્યુચ્યુઅલ ફંડમાં KYC ફરજિયાત

મ્યુચ્યુઅલ ફંડ કંપનીઓને માર્કેટ રેગ્યુલેટર સેબી દ્વારા એ સુનિશ્ચિત કરવા માટે કહેવામાં આવ્યું છે કે રોકાણકારો મ્યુચ્યુઅલ ફંડમાં KYC સાથેના ઈ-વોલેટ દ્વારા જ રોકાણ કરે. આ 1 મેથી અમલમાં આવશે. આ પછી રોકાણકારો KYC સાથે માત્ર ઈ-વોલેટ દ્વારા જ રોકાણ કરી શકે છે.

એલપીજી, સીએનજી અને પીએનજીના ભાવ

દર મહિનાની શરૂઆતમાં સરકાર LPG, CNC-PNGના નવા ભાવ જાહેર કરે છે. ગયા મહિને સરકારે 19 કિલોના કોમર્શિયલ સિલિન્ડરની કિંમતમાં 91.50 રૂપિયાનો ઘટાડો કર્યો હતો. આ પછી દિલ્હીમાં કોમર્શિયલ સિલિન્ડર 2,028 રૂપિયા થઈ ગયો. જોકે ઘરેલુ સિલિન્ડરના ભાવમાં કોઈ ફેરફાર થયો નથી. CNG-PNGની કિંમતોમાં પણ ફેરફાર થઈ શકે છે.

PNB ATM ટ્રાન્ઝેક્શન

જો તમે પંજાબ નેશનલ બેંકના ગ્રાહક છો તો આ ફેરફાર તમારા માટે ખૂબ જ મહત્વપૂર્ણ છે. જો તમારી પાસે તમારા બેંક ખાતામાં પૈસા નથી અને તમે ATMમાંથી પૈસા ઉપાડો છો અને વ્યવહાર નિષ્ફળ જાય છે. તો બેંક દ્વારા 10 રૂપિયા + GST ​​વસૂલવામાં આવે છે.